OPORRETATIK BUELTAN GAI BERRI BATEKIN HASI GARA!

Otsailaren 9an inauteriak ospatu genituen eta ondoren, opor luzeak izan ditugu! Ongi etorri zaizkigu indarrrak berritzeko!

Orain, beste gai berri batekin hasi gara, mapakin aritzen ikasiko dugu, orientazio arauak ematen…hasi bakarrik egin gara eta jadanik bota ditugu barre batzuk, ezta?

Kontatuko dizuegu egunotan egingo ditugun ekintzak!

SANTA AGEDA ABESTIA

Datorren astean Santa Agueda bezpera datorrela eta abesti hau ikasten ari gara. Hona hemen aurkitu dugun bideo bat eta letra:

Letra:

1.
Zorion, etxe hontako denoi!
Oles egitera gatoz,
aterik ate ohitura zaharra
aurten berritzeko asmoz.
Ez gaude oso aberats diruz,
ezta ere oinetakoz.
Baina eztarriz sano gabiltza,
ta kanta nahi degu gogoz.		 2.
Santa Ageda bezpera degu
Euskal Herriko eguna,
etxe guztiak kantuz pozteko
aukeratu deguna.
Santa maitea gaur hartu degu
gure bideko laguna.
Haren laguntzaz bete gentzake egun hontako jarduna.
3.
Siziliako uharte ederrak
emana digu lorea.
Han jaio baitzan gure Ageda,
zorioneko gaztea.
Txikitatikan gogoz hartu zun
Jesukristoren legea.
Maitasun honek ekarri zion bihotzeko poz betea.		 4.
Edertasunez jaunak apaindu
zuan Ageda gaztetan.
Haren begiak izar bi ziran,
aurpegi gozo haretan.
Gizon gaiztoen grina zitalak
esna zitzakeen benetan.
Laster izutu zen Kintziano Agedaren ederretan.
5.
Agedak bere maite bakarra
Jesus aukeratu zuan.
Horregatikan beste maiterik
ez zan harentzat munduan.
Kintzianoren eske guztiak
arrez baztertu zituan.
Baina agintarik gaizto harek kristautzat salatu zuan.		 6.
Emakume gaizto baten mende,
sartu zuten giltzapean,
Agedaren bihotz garbi hura
zikin ote zezakean.
Alperrik baina ahalegindu zen
andre lizuna lanean.
Honek esanak ez ziran sartu Agedaren bihotzean.
7.
Amorru biziz oinutsik jarri
dute Ageda zintzoa,
txingar gorien gainean gero
ibilarazi gaixoa.
Ondoren, bular bat ebakita,
uzten dute urratua.
Baina Jainkuak bihurtu zion
gau hartan bular mindua.		 8.
Alperrik gizon gaiztoak zuten
oinazez erdi hilik utzi.
Jesukristoren maitasun hartan
ez zuna inola etsi.
Otoi gozotan gogoa isuriz
mundu hontatik ihesi,
zeruetako zori ederra
betiko zun irabazi.
Mendi tontorrak elurrez zuri,
atai aldean laiotza.
Etxe hontako nagusi jaunak,
urrezkoa du bihotza.
Santa Agedak kendu digu gaur
eskean hasteko lotsa,
dirurik ez bada, berdin zaigu
gizendutako bildotsa.		 Zelai erdian loreak argi,
larros, krabelin ta lili.
Etxe hontako etxekoandreak
Ama Birjina dirudi.
Etxe hontako urdaiazpiko
asko, kakotik zintzilik,
ta lukainka gorriak ugari
poltsa betetzeko guri.

INAUTERIAK NAFARROAN

Nafarroako herri askotan inauteriek garrantzi handia dute, beraz, ondorengo asteetan, gai honen inguruan aritzea pentsatu dugu, gure kultura hobeto ezagutzeko asmoarekin.

Herri ezberdinetako (Ituren-Zubieta, Altsasu, Lantz, Irurtzun…) inauterien berezitasunak eta pertsonaiak ezagutzea izango da gure helburua.

Gaira hurbiltzeko ondorengo web orria erabiliko dugu:

http://www.ahari.org/

Hona hemen zenbait bideo…

LANTZ

ALTSASU

ITUREN-ZUBIETA